Guet z wüsse

Hüüfig gstellti Frage

Standort

Ds Openair isch mit der RBS gäbig erreichbar. D RBS-Linie S7 bringt di uf Deissu u vom Bahnhof stoglisch ring uf ds Gländ. Dyner Ohre wüsse de scho wo häre. Der RBS-Fahrplan gäge Bärn gfingsch hie. Für meh Informatione Empfähle mir der Reiseplaner vor SBB.

Verhaltensregle u Gwüssehaftigkeit

Mir wei’s am Müli Openair alli zäme guet ha. Drum akzeptiere mir kes Helke u ke Gwalt. Das Müli Openair stellt sich gegen jegliche Art von Diskriminierung und Gewalt. Uschafligi u unaaständigi Lüt gägenüber Veraastalter oder Gescht wärde verwarnet. Bi Extremfäll wird ohni Verwarnig usegschosse. Folgends Verhalte wird nid toleriert:

Sexuelli Beläschtigig
Gwalt
Helke
Vandalismus
Uberächtigete Zuetritt
Öffetlechs Seiche

Ygang

Der Ygang zum Openair isch vor der alte Müli Deisswil. Dert überchunnsch es Bändeli für dys Billet. Mir chöi ou dys Gepäck dürsueche.

Funggägestäng

Fungägestäng u verlornigi Ching chöi bir Kassen abgholt wärde, we cha bewise wärde, dass si eim ghöre.

Ghörschutz

Schütz dys Trommufäll! Mir halte die gsetzleche Vorgabe vom ene Maximalschallpegu vo 100db(A) y. Schütze dein Gehör. Am Infostang git’s gratis Ohrestöpsle.

Gländplan

Der Gländplan gfingsch gly hie.

Gägestäng uf em Gländ

Täsche dörfe nid grösser sy als es A4-Blatt u verbotnigi Gägestäng wärde konfisziert, aagschribe u zur Abholig bim Usgang ufbewahrt. Verbotnigi Gägestäng sy:

‎

Waffe, Hegle, Pfäffersprays, etc.
Ztreiche
Zässe
Droge
Füürwärch, Laserpointer, Pyrotechnik
Schirme

Tier

Hustier müesse deheigla wärde (mit Usnahm vo Assischtänzhüng).

Jugedschutz

Ching u Jugedlechi unger 16i dörfe kei Alkohol konsumiere. Unger 18i darf kei starchi Ruschtig trouche wärde. Ds Alter wird dür ds Ytrittsbängeli ungerschide. Ds Barpersonal wird dy Uswys verlange.

Notfall

Zwüschefäll mäldisch üsne Hälffer, wo du a ihrne Lybli erkennsch. Hilf überchunsch ou bir Kasse.

Versicherung

Versicherig isch Sach vo de Teilnämer. D Müli lehnt jeglechi Haftig bi Sach- oder Personeschäden ab.