Verpass nid d Chilbi vom Schaltjahr
Billetarte
Gönnerbillet
Möchtsch du üses Openair zuesätzlech ungerstütze? Chouf dir es Gönnerbillet und gönn dir näbscht em uvergässleche Erläbnis zuesätzlech es Gönnergschäich. Merci vil mal für dy Bytrag!
Früeche Vogu
Erläb die volli Bandbreiti vo üsem Openair mit em 2-Tagespass zum nen uschlagbaren Early-Bird-Prys! Ei Ytritt, zwe fägigi Täg voll mit Gspass, Ungerhaltig u uvergässlechen Erläbnis. Obedruuf gitz no nen exklusivi Afterparty.
Vorverchouf
We die erschte Künschtler bekannt sy, informiere mir di uf üsne soziale Medie oder hie uf der Websyte über en Aafang vom Vorverchouf. Du hesch de i üsem Billetlade d Müglechkeit, Tagesbillet für Fryti u Samschti, Zwetagespäss u Naachilbi-Billet z choufe.
Aabekasse
Hesch es verhäicht, Billet z choufe, oder hesch di ersch
spontan entschide, z cho? De chasch a der Aabekasse allwäg no eine vo de
beschränkten Ytritte ergattere.
Naachilbi
Nach Mitternacht bis i ds Morgegraue feschte? Für das hei mir d Naachilbi! Mir schliesse beid Täg i der Müli mit feisse Rythme vo üsne DJs ab. Vorussetzig für a d Naachilbi isch e gültigen Openairytritt vom entsprächende Tag.
Rückerstattigsuskunft
Rückerstattigsuskunft
Ds Umtuusche oder Zrugggä vo Billet isch nid müglech. Bi Frage oder Problem mit dym Billet hilft dir üsen Ungerstützer gärn wyter.
Sponsore
